Гледачите сигурно забележаа дека емисијата „Гответе со Дракче“ не се емитува подолго време. Драгица Стевковска, позната како Дракче, конечно ја откри причината за отсуството и откри кога повторно ќе ја гледаме на ТВ.
„Се чувствувам среќна што повторно можам да стојам на нозе и да комуницирам со моето семејство, а потоа и со сите вас. Имаше многу шпекулации за моето здравје, и некои од нив беа навистина непријатни“, изјави Дракче. „Имав хаварија на коскениот систем, болест која бара подолго лекување. Сè уште не сум целосно излекувана, но следуваат уште неколку операции. Сепак, не паднав во очај – ја имав поддршката од семејството, од народот и енергијата од Бога.“
Иако помина низ тешки моменти, Дракче е полна со оптимизам за иднината и со нетрпение ја очекува третата сезона на својата емисија. „Двете претходни сезони го освоија срцето на гледачите, што ме израдува. За третата сезона планираме новитети и ќе вклучиме учесници од народот – наши верни гледачи кои споделуваат рецепти и љубов кон готвењето. Не можам да дочекам да започнеме!“
