Четиригодишното дете по име Хадис е исчезнато во скопската населба Ченто, а родителите преку социјалните мрежи апелираат за помош од граѓаните за негово пронаоѓање.
Според информациите споделени на мрежите, момчето последен пат било забележано во близина на слаткарницата „Делиција“ во Ченто, а на себе имало зелена облека и црвени патики.
Родителите ги замолуваат сите што го имаат видено Хадис или располагаат со било каква информација да се јават на телефонскиот број 078 912 545.
