Вчера, во 09:55 часот, на градскиот плоштад во Тетово, полициски службеници од СВР Тетово уапсиле три жени: Х.Џ. (34), М.Џ. (33) и Ѓ.К. (41), сите од селото Пирок.
Овие жени биле пријавени од М.Ф. (54) и З.Ф. (70) од село Мала Речица, кои известиле дека околу 09:00 часот, додека се наоѓале во нивниот угостителски објект, биле подложени на агресивно однесување и физички напад од страна на трите жени. Нападот вклучувал и користење на тврд предмет, при што бил оштетен и инвентарот на угостителскиот објект.
Трите жени се задржани во полициската станица, а по целосно документирање на случајот ќе следи соодветен поднесок, информираат од СВР Тетово.
