(Видео) Голем пожар над скопско Батинци – постојат сомнежи дека е намерно подметнат

Во текот на денот избувна голем пожар на отворен простор над скопското село Батинци, кој зафати трева, грмушки и мешана шума. Поради силниот ветер, огнот се шири со голема брзина.

На терен веднаш интервенираат екипи на Скопската Бригада за противпожарна заштита и спасување (БППЗ). Дополнителна поддршка ќе пристигне од два пинцгауери на Државната спасувачка служба (ДЗС) и од хеликоптер на Министерството за внатрешни работи, а нешто подоцна се очекува да полетаат и два ер-трактори на ДЗС за гасење на пожарот од воздух.

На лице место присуствува и директорот на Центарот за управување со кризи, Мухамед Али, кој ја следи ситуацијата и координира активностите за справување со пожарот.

Постои сомнение дека пожарот бил намерно подметнат, објави директорот на Дирекцијата за заштита и спасување (ДЗС), Стојанче Ангелов.