Фото: Орце Ѓорѓиевски
Кандидатот за градоначалник на Скопје и актуелен прв човек на Општина Кисела Вода, Орце Ѓорѓиевски, гостуваше во емисијата „Претрес“ со Кристијан Ландов. Во разговорот тој истакна дека токму тој е најсоодветниот избор за главниот град и дека Скопје нема подобар кандидат од него.
На прашањето на Ландов зошто решил да не остане на функцијата градоначалник на Кисела Вода, Ѓорѓиевски одговори дека во моментов неговото искуство и енергија ѝ се потребни на метрополата и на граѓаните на Скопје.
„Не гледам дека има подобар кандидат за градоначалник на Скопје од мене“, кажа Ѓорѓиевски меѓу другото кое може да го погледнете во видеото во продолжение.
