Државниот завод за ревизија (ДЗР) истакна дека ЈСП Скопје не е во состојба да испорача задоволителни услуги за жителите на главниот град.
Според нивниот извештај, ЈСП се соочува со сериозни предизвици, вклучувајќи го застарениот возен парк, недоволната инфраструктура и честите прекини на автобуските линии.
Овие проблеми го намалуваат квалитетот на јавниот превоз и ја поткопуваат довербата на граѓаните во услугите кои ги нуди претпријатието.
„Државниот завод за ревизија изврши ревизија на финансиските извештаи заедно со ревизија на усогласеност на Јавното сообраќајно претпријатие СКОПЈЕ, за 2023 година. Констатирани се состојби, неправилности и неусогласености во работењето на ЈСП и поради нивното значење изразивме неповолно мислење за реалноста и објективноста на финансиските извештаи за 2023 година и за усогласеноста со законската регулатива, упатства и воспоставени политики“, се вели во соопштението на ДЗР.
