Хрватскиот тренер Иван Јуриќ се наоѓа на работ на отказ од тренерската позиција во Рома по дебаклот од Фиорентина, а ситуацијата дополнително се влоши со инцидентот во соблекувалната за време на полувремето.
Според извори од италијанските медиуми, дојде до вербален, а потоа и физички дуел помеѓу Јуриќ и искусниот фудбалер Џанлука Манчини. Тренерот му соопштил на Манчини дека нема да игра во вториот дел, што предизвикало жестока расправија помеѓу нив. Овој инцидент не е новина за Јуриќ, кој и во минатото имал проблеми со членови на управата во Торино, но никогаш со фудбалерите.
И покрај тоа што причините за конфликтот во Фиренца се уште не се познати, изгледа дека Јуриќ ќе ја плати цената за овој инцидент, особено во контекст на лошите резултати на Рома.
