Обвинетите за убиството на малата Данка Илиќ остануваат во притвор, одлучи Апелациониот суд во Ниш. И покрај жалбите поднесени од адвокатите на обвинетите Срѓан Јанковиќ и Дејан Драгијевиќ, кои побараа нивно ослободување, судот го продолжи притворот.
Двајцата обвинети се веќе седум месеци во притвор во Окружниот затвор во Зајечар. Досега, сведоците се сослушани, направени се сите анализи, а вишото јавно обвинителство поднесе обвинителен акт.
Адвокатите поднесоа жалби до Апелациониот суд, тврдејќи дека нема основа за продолжување на притворот бидејќи нивните клиенти веќе не можат да влијаат на сведоците.
