Јавноста во Грција е длабоко вознемирена по смртта на четири бебиња во Амалијада, во присуство на иста 24-годишна девојка. Две од починатите бебиња биле нејзини, а другите две на нејзини пријателки.
Првиот инцидент се случил на 19 јуни 2022 година, кога под сомнителни околности починало новороденче на осомничената. Подоцна, на 17 јуни 2023, починала и нејзината втора ќерка, а на 5 август 2024 година трагично завршил животот на 15-месечниот син на нејзина пријателка. Исто така, во 2021 година, починало уште едно дете на нејзина пријателка.
Истрагата открила дека и сестрата на осомничената ненадејно починала пред десет години под неразјаснети околности.
Според организацијата „Насмевка на детето,“ осомничената девојка била изложена на тешка семејна средина од најмала возраст. Обвинителството и сите релевантни органи се информирани, а телата на децата не покажале знаци на физичко малтретирање.
