МВР одобри 24-часовно обезбедување за Арсовска по нападот во Чаир

Министерството за внатрешни работи ја известува јавноста дека, по вчерашниот инцидент на територија на Општина Чаир, врз основа на добиени оперативни информации и безбедносна проценка изготвена од Агенцијата за национална безбедност (АНБ), е донесена одлука да се воведат 24-часовни мерки за лична заштита на градоначалничката на Град Скопје, Данела Арсовска.

Во текот на денешниот ден, претставници од надлежните служби ќе воспостават контакт со градоначалничката, со цел да се усогласи нејзиниот дневен распоред и активности со новововедениот безбедносен протокол. Мерките се превземени превентивно, со цел да се гарантира нејзината лична безбедност.

Министерството потенцира дека останува целосно посветено на заштитата на безбедноста на сите граѓани, без разлика на нивниот општествен, јавен или институционален ангажман, и ќе продолжи со внимателно следење на состојбата на терен во координација со останатите надлежни институции.