Фото: Facebook/Моника Зајкова - Monika Zajkova
Пратеничката во македонското Собрание, Моника Зајкова реагираше по новиот случај кој ја потресе Македонија.
Охриѓанец ја претепа неговата девојка до бессознание, па потоа ја исфрлил пред маркет, а на крајот доби кривична пријава од СВР Охрид.
„Ова не може да биде заборавено како еден обичен наслов!
Ја давел, ја газел, ја влечел по асфалт и ја оставил онесвестена среде улица! ШТО Е ОВА, БРЕ?!
И што е важно чиј син е?! На инспектор, на функционер?!
ОБВИНИТЕЛСТВОТО ТРЕБА ДА ГО ГОНИ ЗА ОБИД ЗА УБИСТВО! И да не му текнало некому да го штити, да го крие или да го релативизира ова ѕверство поради семејни врски и позиции!
Очигледно, “машкиот надзор”, мачо-културата и чувството на недопирливост охрабрија премногу насилници да мислат дека жената е нивна сопственост, а не човечко суштество! А бавноста на институциите, неказнивоста и срамните совети од типот „решете си го тоа дома“ само им даваат дополнителна сила.
НЕМА ПОВЕЌЕ ОПРАВДУВАЊА! НИ ЗА НАСИЛНИЦИТЕ, НИ ЗА ОНИЕ ШТО ГИ ШТИТАТ, НИ ЗА ОНИЕ ШТО НЕ ПОСТАПУВААТ!
ДО КОГА ЌЕ ГИ БРОИМЕ ПРЕТЕПАНИТЕ И УБИЕНИТЕ ЖЕНИ ВО ОВАА ДРЖАВА?!
Жените не бараат привилегии. Бараат да останат безбедни и живи“, објави Зајкова.
