Убави вести пристигнуваат од семејството на македонскиот музичар Тајзи. Тој и неговата сопруга Ангела станаа родители на своето прво дете – синот Захариј.
Радосната вест музичарот ја сподели на социјалните мрежи, каде со емотивни зборови им се обрати на сопругата и новородениот син. Тајзи откри дека бил присутен на породувањето, искуство кое дополнително му го зголемило восхитот кон Ангела.
„Сега знам зошто мајките се најсилните суштества на овој свет“, порача тој, додавајќи дека со Ангела му ветуваат на малиот Захариј дека секогаш ќе бидат негово засолниште, поддршка и дом.
Парот ја круниса својата љубов со брак во јули, на свадбена прослава во Куманово, на која присуствуваа семејството, пријателите и бројни познати лица од македонската естрада.
Само неколку месеци подоцна, нивната љубов доби најубаво продолжение – во нивниот дом пристигна малиот Захариј.
