Претседателот на Македонската алијанса за европска интеграција (МАЕИ), Васил Стерјовски, изнесе тврдења за начинот на кој дел од Македонците во Албанија доаѓале до бугарски пасоши.
Според Стерјовски, за добивање бугарско државјанство во одредени случаи се плаќале значителни суми, кои, како што наведува, се движеле од 15.000 до дури 20.000 евра. Тој смета дека зад ваквата практика стои финансиски интерес, а не нужно вистинска промена или потврда на националната припадност.
Стерјовски посочува дека бугарскиот пасош претставува документ за државјанство и не може сам по себе да биде доказ за етничката определба на неговиот носител. Според него, државјанството и националното чувство се две различни категории.
Тој се осврна и на пописот во Албанија, нагласувајќи дека секој граѓанин треба самостојно да ја декларира својата национална припадност, без притисоци или влијанија од страна.
Веста ја пренесува 24chasa.mk
