Фото: Ракометна Федерација на Македонија
Младата македонска ракометна репрезентација до 18 години забележа убедлив триумф на Европското првенство во Србија, откако во натпреварот за деветтото место го совлада Израел со 39-29.
Израелците подобро го отворија натпреварот и во текот на првото полувреме успеваа да ја одржуваат предноста. Иако Македонија постојано беше во игра, на паузата противникот замина со минимално водство од 20-19.
Но, во вториот дел следуваше целосно поинаква слика на теренот. Македонските ракометари заиграа многу поцврсто и поефикасно, ја презедоа контролата врз резултатот и постепено почнаа да ја зголемуваат предноста.
Во продолжението нашите надежи беа незапирливи, па на крајот стигнаа до убедлива победа од 39-29, односно со дури десет голови разлика.
Најефикасни во македонскиот состав беа Ѓоргиевски и Дамчевски, кои постигнаа по осум погодоци.
