Долга година помина…
Една година откако еден живот згасна прерано, а зад него останаа толку многу спомени, зборови и луѓе кои сè уште го бараат неговото присуство…
Некои луѓе не се паметат по тоа што имале, туку по тоа какви биле. По насмевката, по зборот, по начинот на кој правеле другите да се чувствуваат.
Душко остана во спомените на сите што го познаваа. Во приказните што се раскажуваат, во фотографиите што останаа, во моментите кога некој ќе се сети и ќе каже: „Ова беше Дуле“.
Една година без неговиот чекор, без неговиот глас, без неговото присуство и насмевка… Но не и една година без неговиот спомен.
Секогаш ќе има место за него во нашите срца!
Во името на Gladiator, со искрена почит се сеќаваме на Душко Чифлиганец и упатуваме најдлабоко сочувство до неговото семејство, пријателите и сите што го носат во срцето.
Душко, нека ова виртуелно цвеќе биде и наш мал знак на сеќавање и почит.
Бог да ти дарува Царство Небесно. Вечна слава и вечен спомен, ќе те паметиме по твојата насмевка и сите твои добри дела!
