Според партијата, договорот бил склучен по пат на директно договарање, без претходно објавен јавен повик, со образложение дека станува збор за итна постапка поради кризата. Од СДСМ тврдат дека станува збор за бизнис-договор вреден 100.000 евра, реализиран без тендер.
Во нивното соопштение се наведува дека договорот, според достапните информации, бил склучен со компанијата „Кожувчанка“, која, како што посочуваат, е во сопственост на градоначалникот на Општина Кавадарци. Дополнително, наведуваат дека постапката ја спровел директорот на СОЗР, Ивица Томовски.
Од СДСМ упатуваат остри критики кон Владата и ВМРО-ДПМНЕ, оценувајќи дека ваквиот начин на постапување претставува пример за фаворизирање на блиски компании преку договори без јавна конкуренција. Тие тврдат дека истиот модел, според нив, се најавува и преку законските решенија поврзани со проектот „Скопје 2028“.
Партијата обвинува дека институциите не реагирале навремено на загадувањето на водата, додека граѓаните, како што наведуваат, биле принудени да бараат лекарска помош. Според нив, наместо ефикасно справување со кризата, приоритет добиле договорите и финансиските интереси, на штета на јавното здравје.
Веста ја пренесува Слободен печат.
