СДСМ отвори ново прашање поврзано со исправноста на водата за пиење, овојпат посочувајќи дека сомнежи постојат и за изворите во охридските села Елшани и Велестово.
Од партијата тврдат дека водата од овие извори не ги исполнува условите за безбедна употреба и бараат надлежните институции веднаш да излезат со точни информации за состојбата.
СДСМ упатува критики до Владата за, како што велат, недоволна координација и избегнување одговорност по случајот со проблемите со водоснабдувањето во Гостивар. Опозицијата бара објаснување кој донел одлука и врз основа на какви анализи било дозволено користење на водата како техничка.
Од партијата предупредуваат дека неисправната вода може да претставува ризик за здравјето на граѓаните и укажуваат на можност од појава на заразни заболувања, меѓу кои и жолтица.
Сега се очекуваат официјални резултати и потврда од надлежните лаборатории при Центарот за јавно здравје, кои треба да покажат дали водата од посочените извори е безбедна за пиење.
Веста ја пренесува Zboruvaj.mk
