Фото: Принтскрин
Регулаторната комисија за енергетика и водни услуги (РКЕ) соопшти дека одлуката за новите малопродажни цени на нафтените деривати носи просечно зголемување од 4,55 проценти.
Според одлуката, ЕУРОСУПЕР БС-95 и ЕУРОСУПЕР БС-98 поскапуваат за по 3 денари за литар.
Со тоа, новата малопродажна цена на ЕУРОСУПЕР БС-95 изнесува 93 денари за литар, додека ЕУРОСУПЕР БС-98 ќе се продава по 95 денари за литар.
Поскапување има и кај дизел-горивото. ЕУРОДИЗЕЛ (Д-Е V) се зголемува за 4,50 денари за литар, па новата цена изнесува 98,50 денари за литар.
