Земјотрес со магнитуда од 4,1 степен според Рихтеровата скала беше регистриран во италијанскиот регион Молизе во текот на ноќта, предизвикувајќи вознемиреност кај населението. Од страв и претпазливост, голем број жители ги напуштиле своите домови и излегле на отворено.
Според Националниот институт за геофизика и вулканологија на Италија (ИНГВ), потресот се случил кратко по полноќ. Епицентарот бил лоциран во близина на општината Пичоне, во покраината Изернија, во подрачјето што се граничи со регионите Абруцо и Лацио.
Сеизмолозите соопштија дека земјотресот настанал на длабочина од околу 10 километри и траел неколку секунди. Освен во Изернија, потресот бил почувствуван и во околните покраини Кјети, Л’Аквила и Казерта.
Надлежните институции засега не пријавиле материјална штета ниту повредени лица.
Неколку часа подоцна, во 3:41 часот, во истото подрачје бил евидентиран уште еден, послаб земјотрес со јачина од 2,2 степени според Рихтеровата скала. Овој потрес бил на длабочина од девет километри.
Веста ја споделува Skopje1.mk
