Претседателката на Индија, Друпади Мурму, пристигна во официјална посета на Македонија, која претставува прва посета на индиски шеф на држава на земјава.
Индиската претседателка беше свечено пречекана од македонската претседателка Гордана Силјановска-Давкова со највисоки државни и воени почести.
По официјалната церемонија следуваа разговори меѓу двете претседателки, како и средба на делегациите од двете држави. На маса беа теми од клучно значење за идната соработка – развојот на економските врски, инвестициите, образованието, научната размена, културата, туризмот, здравството и дигиталниот развој.
Силјановска-Давкова нагласи дека Македонија има потенцијал да стане поатрактивна дестинација за индиските компании, особено поради својата географска положба и можностите што ги нуди како поврзница со европскиот пазар.
Мурму ја оцени посетата како значаен историски настан и порача дека таа ќе придонесе за продлабочување и проширување на партнерството меѓу Македонија и Индија во повеќе области.
Веста ја пренесува 24chasa.mk
Фотографии: Гордана Силјановска – Давкова
Видеото може да го погледнете тука!
