24-годишен маж се здобил со тешки и опасни по живот повреди по несреќа за време на спуштање со сајла во приватен туристички комплекс во индиската сојузна држава Карнатака.
Според информациите, тој паднал од височина од околу 40 стапки, односно приближно 12 метри, додека бил на атракцијата во одморалиште во областа Дандели.
Членовите на неговото семејство тврдат дека несреќата се случила поради несоодветни безбедносни мерки и изразиле сомнеж во начинот на кој била организирана атракцијата.
Од друга страна, управата на одморалиштето ги отфрлила обвинувањата, наведувајќи дека биле почитувани сите пропишани процедури и дека опремата и безбедносните правила биле редовно проверувани.
Случајот предизвика реакции околу безбедноста на авантуристичките активности, а надлежните продолжуваат со проверка на околностите под кои дошло до падот.
Веста ја пренесува Nowwhy24.
