Неексплодирана артилериска граната со калибар од 75 милиметри, која потекнува од Првата светска војна, е безбедно отстранета од Црна Река, во близина на мостот кај селото Радобор, во Општина Могила.
Интервенцијата ја изврши пиротехничарот на Дирекцијата за заштита и спасување, Ѓорѓи Стефанов, кој по преземените безбедносни мерки успешно го извлече убојното средство од водата.
Според информациите од ДЗС, станува збор за граната што била истрелана, но не експлодирала. Дојавата за нејзиното пронаоѓање била примена во ДЗС – Битола преку единствениот број за итни повици 112, по што надлежните служби веднаш постапиле и ја отстраниле потенцијалната опасност.
