Украина влегува во нова политичка фаза откако Врховната рада денеска ја изгласа оставката на премиерката Јулија Свириденко, со што престана мандатот на целиот владин кабинет.
За прифаќање на оставката гласаа 258 народни избраници. Пред самото гласање, Свириденко им изрази благодарност на пратениците за соработката во текот на изминатата година, како и на претседателот Володимир Зеленски за укажаната доверба.
Претседателот на Врховната рада, Руслан Стефанчук, потврди дека оставката била официјално доставена до парламентот, по што била ставена на дневен ред за разгледување.
Тој истакна дека Свириденко ја водела Владата во исклучително сложени околности, нагласувајќи го нејзиниот придонес во економската стабилност, поддршката за населението и продолжувањето на евроинтегративниот процес на земјата.
Оставката доаѓа во период кога претседателот Зеленски најави поширока реконструкција на извршната власт, која треба да донесе промени не само во Владата, туку и во безбедносните и правосудните институции.
Јулија Свириденко ја презеде премиерската функција на 17 јули 2025 година.
Според информациите на украинските медиуми, новиот владин состав треба да биде ставен на гласање на 16 јули. До изборот на новата влада, премиерската должност привремено ќе ја извршува првиот вицепремиер и поранешен премиер Денис Шмихал.
Веста ја пренесува Skopje1.mk
