Вистинска драма се одвивала во Анкара, Турција, кога маж по семејна расправија ја зел својата тригодишна ќерка како заложник и се заканувал дека ќе ѝ наштети. Според информациите од местото на настанот, тој држел нож во раката, додека ситуацијата станувала сѐ понапната.
Очевидци тврдат дека во еден момент мажот го извадил девојчето низ прозорецот и го држел надвор од објектот, предизвикувајќи страв и вознемиреност кај жителите во околината.
На терен веднаш биле испратени полициски патроли, пожарникари и медицински тимови. Надлежните служби се обидувале преку разговор да го убедат да се предаде и да го ослободи детето, но откако преговорите не вродиле со успех, била донесена одлука за интервенција.
Специјалните полициски единици спровеле акција за спасување, при што напаѓачот бил совладан. Според информации објавени во турските медиуми и на социјалните мрежи, мажот бил застрелан за време на интервенцијата, додека девојчето било извлечено без повреди.
Благодарение на брзата и координирана реакција на безбедносните служби, детето било спасено, а случајот предизвика бурни реакции и осуда во турската јавност.
Веста ја пренесува Podzemje.mk
