Општина Чаир ги започнува подготовките за реализација на проектот за изградба на нова албанска библиотека на просторот над плоштадот „Скендербег“. Ова денеска го соопшти градоначалникот Изет Меџити на прес-конференција одржана по повод затворањето на Саемот на албанската книга.
Според Меџити, библиотеката ќе претставува современ образовен и културен центар, наменет за ученици, студенти, научни работници и сите љубители на книгата. Новиот објект ќе овозможи подобри услови за читање, учење, истражување и унапредување на културниот живот во општината.
„Го започнуваме процесот за преуредување на просторот над плоштадот ‘Скендербег’ во модерна библиотека која ќе биде достапна за сите граѓани. Нашата цел е да создадеме место што ќе го негува знаењето, образованието и културата во срцето на Чаир“, истакна Меџити.
Веста ја пренесува Слободен печат.
