Полуматурската прослава на Андреја, синот на трагично починатиот музичар Владимир Блажев – Панчо од групата „ДНК“, доби посебна емотивна димензија благодарение на гестот на Перо Антиќ.
Поранешниот македонски кошаркар и некогашен прв човек на Кошаркарската федерација на Македонија се погрижи овој значаен ден да биде незаборавен за младиот Андреја. Антиќ лично беше покрај него и го придружуваше на полуматурската вечер, а моментот го сподели и со своите следбеници на социјалните мрежи со пораката: „Среќна матура, лепотану“.
Покрај фотографијата, тој објави и видео на кое се гледа како со својот автомобил го носи полуматурантот на свеченоста.
Перо Антиќ и Панчо долги години негуваа искрено и цврсто пријателство. Токму затоа, неговото присуство на еден од најважните моменти во животот на синот на музичарот беше дочекано со многу емоции и симболика, како потврда дека вистинските пријателства продолжуваат да живеат и по заминувањето на најблиските.
Веста ја пренесува Skopje1.mk
