Градоначалникот на Раденци, Роман Лељак, предизвика бурни реакции во јавноста откако откри детали за наводните барања на познат музички изведувач за настап во градот. Според неговите зборови, пејачот Јаков Јозиновиќ побарал хонорар од 35.000 евра за концертен настап.
Лељак изјави дека сумата била оценета како превисока за општински настан, посочувајќи дека сличен износ претходно побарала и регионалната ѕвезда Северина.
„Постоеше идеја тој да настапи во Раденци, но трошоците ќе ги покриваше општината. Од неговиот тим добивме барање за хонорар од 35.000 евра, што за нас беше неприфатливо“, изјави градоначалникот.
Дополнително, тој тврди дека од организацискиот тим на пејачот било побарано во јавноста да се претстави дека настапот бил бесплатен. Според Лељак, агентката на пејачот објаснила дека Јозиновиќ вообичаено настапува на многу поскапи концерти и не сакал јавно да се дознае дека прифатил понизок хонорар.
Оваа изјава отвори бројни реакции и дебати околу транспарентноста на трошењето јавни средства и вистинските суми што се исплаќаат за естрадни настапи.
Веста ја пренесува Hypetv.mk
