Се „тресе“ Србија: Полицајци запалиле тело на мафијаш, а нивниот шеф ги избришал снимките

Судот одреди 30-дневен притвор на поранешниот шеф на белградската полиција, Веселин Милиќ поради прикривање на обид за тешко убиство.

Милиќ е уапсен во петокот под сомнеж дека сторил повеќе кривични дела за да прикрие убиство во белградски ресторан и оневозможил расчистување на случајот на исчезнувањето на Александар Нешовиќ.

Адвокатот и поранешниот полициски инспектор Горан Ступар вели за српски „Данас“ дека апсењето е изнуден потег на полицијата под притисок на силните докази пласирани преку социјалните мрежи. Тој додава дека Министерството не се огласило додека социјалните мрежи не се „запалија“ од информации.

Српски „Данас“ пишува дека Нешовиќ бил застрелан со огнено оружје од Саша Вуковиќ во ресторан, каде во нивно друштво седел Милиќ. По караницата Вуковиќ извадил пиштол и испукал неколку куршуми. Потоа двајца од тројца полициски службеници во обезбедување на Милиќ, заедно со Вуковиќ, го изнеле телото од ресторан и го запалиле покрај автопат, додека Милиќ и другиот полицаец ги отстранувале трагите и видео-снимките во ресторанот.

Засега голем број од информациите не се потврдени од Министерството, но повеќе детали може да прочитате ТУКА.