Вчера околу 17 часот во СВР Штип била пријавена сообраќајна несреќа што се случила на крстосницата меѓу улиците „Борис Крајгер“ и „Анте Банина“ во Штип.
Во несреќата учествувале патничко возило „БМВ“ со штипски регистарски таблички, управувано од 64-годишен жител на Штип, и мотоцикл „Априлија“, исто така со штипски ознаки, кој го управувал малолетник од градот.
Од ударот, малолетниот возач на мотоциклот се здобил со тешки телесни повреди, додека неговиот сопатник, исто така малолетник од Штип, поминал со полесни повреди. Повредите биле констатирани во Клиничката болница во Штип.
По извршените проверки од страна на полицијата, било утврдено дека и двајцата малолетници биле под дејство на алкохол. Кај возачот на мотоциклот биле измерени 0,27 промили алкохол во крвта, а кај сопатникот 0,16 промили.
Веста ја пренесува Infomax.mk
