Историски успех: Македон освои двојно злато во Франкфурт (ВИДЕО)

Македонскиот математички талент Македон Димитровски постигна огромна успех на Германската математичка олимпијада, каде што освои двојно злато, а информацијата ја сподели неговиот татко Владимир Димитровски на социјалните мрежи.

Горди сме да објавиме дека МАКЕДОН постигна извонреден историски успех на Германската математичка олимпијада! Златен медал во индивидуална конкуренција по математика. Златен медал во математички предизвик. Со своите блескави резултати, Мaкедон беше прогласен и во престижната група на ЛАУРЕАТИ – признание резервирано само за најдобрите од најдобрите! Овој неверојатен успех е доказ за врвен талент, огромна посветеност и достојно претставување на Македонија на меѓународната сцена“, објави таткото на Македон.