Летото 2026 година во Македонија ќе донесе значително повисоки температури од вообичаените, проследени со чести топлотни бранови кои ќе навлегуваат од африканскиот континент. Според најавите на метеоролозите, во текот на сезоната ќе има денови кога живата во термометарот ќе надминува 40 степени, особено во централните и југоисточните предели од земјата.
Освен екстремно топлите денови, ќе се соочиме и со таканаречени тропски ноќи, кога температурите нема да паѓаат под 20 степени, што дополнително ќе го отежне одморот и ќе создаде чувство на постојана жештина. Во просек, температурите ќе бидат за околу 1 до 2 степени повисоки од нормалните за овој период од годината.
Главната причина за ваквите временски услови се поврзува со засилениот климатски феномен Ел Нињо, кој има силно влијание врз временските прилики во Европа и на Балканот, носејќи подолги и поинтензивни топлотни периоди.
Сепак, летото нема да биде само суво и жешко. Се очекуваат и почести временски нестабилности, проследени со силни невремиња, поројни дождови и грмежи. Во одредени ситуации не се исклучува појава на т.н. суперќелиски бури, кои можат да предизвикаат поголеми штети.
Нè очекува динамично лето – со екстремна жештина, но и изразени временски промени, па навремената подготовка ќе биде клучна.
Веста ја пренесува Faktor.mk
