Халид Бешлиќ само со еден колега беше во лоши односи, но тој емотивно се збогува на погребот

Во Сараево денеска беше одржана погребната церемонија на легендарниот пејач на народна музика Халид Бешлиќ, еден од најпочитуваните и најсаканите уметници од просторот на поранешна Југославија. На неговиот последен испрат се собраа повеќе од 50.000 луѓе, меѓу кои бројни јавни личности, пријатели, колеги и обожаватели кои со тага му оддадоа почит на великанот на музичката сцена.

Меѓу присутните особено внимание предизвика појавата на пејачот Мирослав Илиќ, со кого, според пишувањата од минатото, Халид наводно имал недоразбирање во младоста. Сепак, нивните стари несогласувања не беа пречка Илиќ да дојде и лично да му се поклони на својот долгогодишен колега и пријател.

Се шпекулира дека нивниот конфликт потекнувал од времето кога и двајцата биле на почетокот на кариерата, а причината наводно била тогашната музичка ѕвезда Сузана Манчиќ.

На темата пред неколку години зборуваше Влада Перовиќ, поранешен сопственик на познатиот белградски клуб „Дуга“.

„Се сеќавам на таа вечер. Не беше тоа некаква сериозна тепачка, туку повеќе момчешка демонстрација на храброст пред убава жена. Таа жена беше Сузана Манчиќ – млада, полна со енергија и харизма. Пееше ‘Огледалце’ и беше вистинска убавица по која сите се вртеа. Често доаѓаше во мојот клуб“, изјави Перовиќ.