Фото: Принтскрин
Министерот за здравство Азир Алиу денеска објави дека д-р Јован Божиновски е назначен за нов вршител на должност директор на Универзитетската клиника за неврологија, откако досегашниот директор, д-р Игор Кузмановски, беше разрешен од функцијата.
Како што појасни Алиу, одлуката следела по објавувањето на компромитирачко видео на социјалните мрежи, со што, според него, бил сериозно нарушен угледот и кредибилитетот на клиниката и на здравствениот систем во целина.
Министерството за здравство, во координација со надлежните институции, формирало специјална комисија која ќе ја испита целата ситуација, а истовремено е побаран и инспекциски надзор од Лекарската комора и Државниот санитарен и здравствен инспекторат (ДСЗИ).
