Фото: Принтскрин
Во германскиот град Мајнашaф вечерва избувна сериозен инцидент во индустриски погон, поради кој се ослободил жолт гасен облак. Облакот се проширил и над соседниот Ашaфенбург, па властите веднаш апелираа жителите да останат во своите домови. Сојузната служба за цивилна заштита предупреди дека испарувањата може да бидат отровни.
Според германските медиуми, инцидентот се случил во фабриката „Schnarr Heinrich GmbH“. Парче метал паднало во кисела бања со околу 6.000 литри азотна киселина, што предизвикало силна хемиска реакција. Двајца работници претрпеле полесни повреди.
На терен биле испратени околу 250 пожарникари, како и екипи на полицијата и Итната помош со специјална заштитна опрема. Локалните власти ги повикаа граѓаните да ги затворат прозорците и вратите, да исклучат вентилација и клима-уреди, како и да им помогнат на децата и постарите лица.
Засега не е познат точниот обем на штетата, ниту дали постои опасност од понатамошно ширење на гасот. Надлежните служби остануваат на терен и ги следат состојбите, а жителите се упатени внимателно да ги следат официјалните известувања.
In #Mainaschaff bei Aschaffenburg ist es zu einem Unfall gekommen, bei dem wahrscheinlich gefährliche nitrose Gase (zu erkennen an der orangenen Farbe) freigesetzt wurden. Anwohner sollen Türen und Fenster geschlossen halten und nicht ins Freie gehen!pic.twitter.com/C5jFEkz9QT
— Amphitryon (@anti_ideologist) October 7, 2025
Giftige Rauchwolke über Aschaffenburg, nach einem Störfall in einem Betrieb in Mainaschaff.#Aschaffenburg #Unfall #Mainaschaff pic.twitter.com/wARyEEMu7e
— Jörg Baumann MdL (@BaumannMdL) October 7, 2025
