Фото: Принтскрин
Легендарниот пејач и „крал на севдалинките“ Халид Бешлиќ почина на 71-годишна возраст во Клиничкиот центар во Сараево, оставајќи зад себе богато музичко наследство кое обележа неколку генерации.
Неколку дена пред неговата смрт, јавноста имаше можност да ја слушне неговата последна песна – емотивна балада која Халид ѝ ја посвети на сопругата Сејда, неговата животна љубов и најголема поддршка.
Во песната тој со топли зборови ја опишува нејзината младост и убавина, потсетувајќи на првиот ден кога нивните животи се испреплеле:
„Сè уште си млада како некогаш, Сејдо, сè уште си убава како оној ден кога покрај мене свитка гнездо и ми го подари срцето.“
Во друг дел, Халид ја изразува својата нежност и жртва: „Радувај се, остави ја тагата на мене.“
