Фото: Принтскрин
Тежок инцидент го одбележа денешниот натпревар во младинските категории (генерација 2009/10) во Штип, каде што мечот меѓу младите фудбалери на Брегалница и Шкупи заврши со вистински хаос.
Според локалните извори, група родители на деца од скопскиот клуб Шкупи, во еден момент од мечот, без никаква видлива причина влегле на теренот и физички нападнале дел од домашните играчи.
Од градот под Исарот пристигнуваат информации дека најмалку две деца од Брегалница претрпеле потешки повреди – едното со скршеница на ногата, а другото со повреди на главата.
