Трајановски: За една година пуштивме во употреба 101 километар патишта во вредност од 200 милиони евра

Директорот на Јавното претпријатие за државни патишта, Коце Трајановски, на панел-дискусија во рамките на настанот „Саем-Отчет“ со тема „Четири години инвестиции во инфраструктурата“, истакна дека патната мрежа е еден од клучните столбови за развојот на државата и од особено значење за функционирањето на локалната самоуправа.

Трајановски потенцираше дека во изминатата една година, откако ВМРО-ДПМНЕ ја презеде централната власт, е постигнат значителен напредок во подобрувањето на државните патишта. Според него, резултатите се должат на координираната работа меѓу Владата, надлежното министерство и општинските власти, што овозможило побрзо и поефикасно реализирање на проектите.

„Во изминатата година дена, завршивме и пуштивме во употреба 101 километар од експресни и регионални патишта и тие се во вредност од околу 200 милиони евра“, рече Трајановски.