На 3 април 2025 година, околу 18:20 часот, полициски службеници од Единицата за недозволена трговија при СВР Скопје извршија апсење на 60-годишниот З.Т. од Скопје, осомничен за неовластено поседување и дистрибуција на наркотични средства.
Апсењето е извршено врз основа на претходно издадена судска наредба од Основниот кривичен суд Скопје, по што е извршен претрес во неговиот дом и подрумски простории лоцирани на подрачјето на Чаир.
При претресот, полицијата пронашла и одзела дигитална вага, 14 стаклени тегли и една најлон кеса исполнети со марихуана, со вкупна тежина од 1 килограм и 780 грама.
