Двегодишната Дуња Марковиќ од Уб исчезнала денеска по 14 часот, откако наводно си играла во песок со своите постари браќа. Улицата „8 Март“, каде што последен пат била забележана, не е густо населена и не е позната по голема фреквенција на луѓе, а во нејзина близина има многу различни фирми.
Според информациите на српки „Телеграф“, малата Дуња пред исчезнувањето била под надзор на други деца – вкупно осуммина. Нејзините родители не биле присутни во тој момент, а исчезнувањето било пријавено дури по три и пол часа.
Прва го забележала исчезнувањето нејзината мајка, а децата изјавиле дека заедно си играле во песок.
Министерството за внатрешни работи (МВР) веднаш го активираше системот „Пронајди ме“, поради што граѓаните добиваат известувања на своите мобилни телефони.
„На 03.03.2025 година, околу 14:00 часот, во Уб исчезна двегодишно девојче. Повеќе информации на pronađime.mup.gov.rs. Сите ваши сознанија пријавете ги на 192“, се наведува во СМС-пораката испратена до сите граѓани на Србија.
