Во наредните две години се планира снимање на игран филм, документарец и телевизиска серија во неколку продолженија, посветени на животот, делото и музичката мисија на трагично починатата легенда, Тоше Проески.
Овој значаен проект има за цел да го овековечи споменот за Проески и да го сподели неговиот вонвременски придонес со пошироката јавност.
Проектот, со предвиден буџет од околу 95 милиони денари, ќе биде финансиран од државниот Буџет преку Министерството за дигитална трансформација.
Министерот за култура, Зоран Љутков, изјави дека Македонската радио-телевизија (МРТ) е носител на овој амбициозен проект, додека семејството на Проески дало целосна поддршка и согласност за неговата реализација.
