Горан Ѓорѓиевски, потпретседател на Сојузот на стопански комори, изрази несогласување со тврдењата дека Македонија има највисоки цени на храната во регионот. Гостувајќи во емисијата „Бизнис21“ на ТВ21, Ѓорѓиевски нагласи дека, според анализите на Евростат, лебот во Македонија е најевтин во цела Европа.
„Не се согласувам со тврдењата дека храната е најскапа во регионот. Напротив, основните производи, како лебот, во Македонија се меѓу најевтините. Според податоците од Евростат, македонските граѓани имаат пристап до најевтин леб во Европа,“ истакна Ѓорѓиевски.
Тој објасни дека цените на храната и останатите производи не се резултат на изолирани локални фактори, туку се директно зависни од глобалните економски и геополитички случувања.
