Во духот на празничната магија, оваа година се организира хуманитарна акција за собирање донации од нови играчки и новогодишни пакетчиња наменети за деца без родители, деца со посебни потреби и деца од социјално загрозени семејства во Куманово.
Целта на оваа иницијатива е да се внесе радост и топлина во животите на овие деца за време на празниците. Реализацијата на акцијата зависи од поддршката на хуманите луѓе, кои со своите донации можат да придонесат за исполнување на оваа благородна мисија.
„Донирајте нови играчки или пакетчиња и помогнете да ги направиме празниците поубави за оние кои најмногу имаат потреба.
За повеќе информации и за координација на донациите:
Контакт: +389 77 518 887“, се вели во објавата на Виктор Стаменковски.
