Новоизбраниот американски претседател Доналд Трамп, само два дена по неговата закана за воведување повисоки царини за Канада и Мексико, како дел од стратегијата за справување со илегалната миграција и шверцот на дрога, објави дека имал разговор со мексиканската претседателка Клаудија Шајнбаум.
Според него, претседателката изразила подготвеност да преземе мерки за запирање на миграцијата преку територијата на Мексико.
Во синоќешната објава на неговата социјална мрежа „Truth Social“, Трамп истакна дека „јужната граница на САД ќе биде практично затворена“.
Тој го оцени разговорот со Шајнбаум како многу продуктивен, додавајќи дека двете страни се согласиле за итни мерки за зајакнување на граничната безбедност и намалување на миграцискиот притисок.
