Денеска во населбата Расадник беше поставен камен-темелник за нова градинка со капацитет за 120 деца, со што се отвора ново поглавје во унапредувањето на условите за предучилишно образование во општина Кисела Вода.
На свеченоста присуствуваа градоначалникот Орце Ѓорѓиевски, премиерот Христијан Мицкоски, заменик-министерот за социјална политика, демографија и млади Ѓоко Велковски и директорката на ЈДГ „8 Март“, Силвана Савовска.
Изградбата на оваа градинка, заедно со завршувањето на објектите „Верверичка“ и градинката во Потстаница, која е во завршна фаза, ќе овозможи целосно укинување на листите за чекање за упис на деца во градинките во општина Кисела Вода.
Дополнително, оваа иницијатива ќе создаде можност за прием на деца од соседните општини, што ќе придонесе за подобрување на опфатот на деца со предучилишно образование.
