Основното јавно обвинителство во Гостивар поведе истражна постапка против осомничено лице за кривично дело „убиство во обид“ и „неовластено изработување, држење, посредување и тргување со оружје или експлозивни материи“.
Според официјалните информации од ОЈО, инцидентот се случил вчера кога осомничениот, користејќи пиштол кој го поседувал без дозвола, се обидел да лиши од живот друго лице. Настанот се одиграл во продавницата за автомобилски делови на осомничениот, каде оштетениот пристигнал за да побара поправка на своето возило.
„Меѓу двајцата настанала вербална расправија околу поправката, која прераснала во физичка конфронтација. Оштетениот го турнал осомничениот кон возилото, обидувајќи се да го натера да ја изврши поправката. Револтиран, осомничениот влегол во куќата и го земал пиштолот ‘Црвена застава’ со калибар 7,65 мм, кој го поседувал нелегално. Излегол и испукал еден проектил кон оштетениот, но го промашил, а куршумот завршил во вратата на возилото,“ соопштуваат од обвинителството.
