Јанко Пенафорт е професионален музичар и пејач од Богота, Колумбија, а стекна светско внимание со своите настапи, на кои со голема посветеност и емоција изведува македонски народни песни.
Овој талентиран уметник, кој по мајчина линија има потекло од Киев, Украина, открива дека љубовта кон македонската музика му ја променила животната насока.
„Македонската народна музика ме плени со својата длабочина и искрени емоции“, кажа Јанко.
Неговата страст кон фолклорот го поттикнала да создаде фејсбук-страница под името „Колумбиец пее на македонски“, каде што ги објавува песните кои ги пее на македонски јазик.
