Зоолошката градина во Скопје од денес повторно ги отвора своите врати за посетителите, по тринеделното затворање поради потврден случај на птичји грип кај угината птица, според Агенцијата за храна и ветеринарство (АХВ).
Градината беше привремено затворена за јавноста по откритието на мртва птица, за која лабораториските тестови потврдија присуство на вирусот на птичји грип.
„Ве известуваме дека од оваа сабота (09.11.2024) Зоолошка градина на Град Скопје повторно ќе биде отворена за посетители со редовно работно време од 09:00-16:00 секој ден. Да уживаме заедно во убавите есенски и сончеви денови, ве очекуваме“, соопшти ЗОО Скопје на Фејсбук.
