По тригодишен прекин, хидросистемот „Ѓавато“ кај Богданци повторно е ставен во функција за надополнување на водите на Дојранското езеро преку своите бунари, потврди Владата.
Министерот за животна средина, Изет Меџити, при пуштањето во употреба на трите активни пумпи со ознаки 3, 7 и 8, истакна дека е неопходна целосна реконструкција на хидросистемот, како и набавка на нови пумпи.
„Министерството за животна средина ќе се ангажира да обезбеди решение и финансиски средства за идната реконструкција на овој хидросистем. За негово целосно обновување потребна е замена на цевководот и набавка на неколку нови пумпи“, изјави министерот Меџити.
