Фото: Принтскрин
Министерството за правда на САД во петок соопшти дека подигнало обвинение против авганистански државјанин, кој во разговор со американските истражители признал дека член на Иранската револуционерна гарда му наложил да подготви заговор за атентат врз Доналд Трамп, актуелниот победник на претседателските избори во САД, објави Асошиејтед прес.
Агентите на Федералното биро за истраги (ФБИ) дознале за оваа заверa при интервју со Фархад Шакери, Авганистанец за кого се верува дека бил во служба на иранската влада. Според Министерството за правда, Шакери изјавил дека на 7 октомври 2024 година му било наложено да испланира убиство на Трамп, се наведува во извештајот на Ројтерс.
Фархад Шакери бил депортиран од САД откако претходно издржувал казна затвор заради обвинение за грабеж. При разговорот со истражителите, Шакери открил дека во септември 2023 година член на Иранската револуционерна гарда му соопштил дека разработил план за атентат на Доналд Трамп.
