Трагедија се случи на Клиниката за детски болести каде 5-годишно девојче го загуби животот поради воспаление на мозокот.
Од установата известуваат дека девојчето, кое било од Скопје, било примено пред две недели поради силни главоболки. Првично било лекувано на одделението за неврологија, но минатата недела состојбата драстично ѝ се влошила, по што била префрлена на одделот за интензивна нега. Таму ѝ била направена интубација, но за жал, и покрај напорите на медицинскиот тим, не успеале да ја спасат.
Според лекарите, детето развило менингоенцефалит, а пред два дена била потврдена смртта.
